Tropisk start på dagen

Eg hadde tidenes start på dagen med ein smoothie av kokosmelk, mango, banan og frosne jordbær. Sidan eg ikkje alltid er heilt klar for eit stort måltid om morningen så vert det ofte ein smoothie for min del. Om ein tilset fett i smoothien vert det heile eit fullverdig måltid. 

No har eg vore i forelesing og lært at den beste måten for å unngå smitte er å unngå andre folk sine kroppsvæsker. Og eg skal på treningssenter no – hei, paranoia.

Har dokke sett noko så freeesht? Dette vert definitivt frokost dei neste dagane óg. Det er mogleg eg ikkje klarer å vente lenger enn til etter trening 

Smoothiebowl

Mange har sikkert fått med seg trenden, smoothiebowl er visst den nye måten å innta frokost på. Eg måtte sjølvsagt prøve det ut. Etter denne frokosten kan eg så absolutt forstå kvifor dette har blitt ein enorm trend. Smoothie er næringsrikt i seg sjølv, men kanskje ikkje det aller mest mettande for nokre. På denne måten får ein altså i seg ein fullverdig frokost som er sunn, mettande og ser aldeles nydelig ut. Ein slager i mine auger.

I min smoothiebowl:
→ Bringebær
→ Jordbær
→ Sjølvplukka blåbær
→ Kokosmelk
→ Isbitar
→ Hasselnøtter
→ Havregryn.

For at frokosten skal gå raskt å lage hadde eg dei frosne bæra i kjøleskapet i går. På denne måten var dei ferdigtinte når eg sto opp. Eg likar som regel smoothien min litt isete – om det er eit ord. Dermed hadde eg nokre isbitar i blendaren og trykte på knappen. Frokost på nokre få minutt. Eg vil tørre å påstå at det ikkje tar lenger tid enn å smøre 2-3 brødskiver. Og så er det så mykje meir spennande enn desse kjedelege brødskjevene. For ikkje å snakke om sunnare. Ja, eg er solgt. Dette vert eit fast innslag kjenner eg. Dessutan er frokostgåta for ein glutenfri veganer ganske så løyst.

Det er eit heilt vannvittig vær i Bergen for tida, og eg sit inne med ein heimeeksamen. For å ikkje verte heilt nedslått av heile opplegget vert det ein tur på Ulriken litt seinare. Kanskje vi får sett solnedgangen i alle fall! Åh, studentlivet ♥

Smoothietid

Kva er den beste måten å bli frisk på? Det må vere smoothies. Så mykje næring i eit glas får ein vel få andre stadar. Her ein dag strumpla eg over ein artikkel med eit utval smoothies. Desse såg usedvanleg fristande ut og dermed måtte eg sjølvsagt teste dei ut. No har vi testa to av dei og ein improvisert med inpirasjon frå ein av dei i artikkelen. Orginalane kan du finne her. Sjå vekk i frå at poenget i denne artikkelen er slanking. For min del var det dei næringsrike ingrediensane i smoothiane som solgte. Reduksjon i vekt er ikkje mitt fokus. Det kan eg vel sjeldan understreke nok.

Vi skulle i utgangspunktet teste ut ein kokosmelksmoothie med hasselnøtter og kakao. Sidan vi ikkje hadde hasselnøtter testa vi korleis det vart med mandlar i staden. Smaken vart heilt tipp topp, men mandlane er nok lit grovare enn hasselnøttene – sjølv etter ein lang tur i blendaren. Dermed er det nok betre med hasselnøtter, men for all del, den var veldig god med mandlar òg.

Dersom dokke trykker dokke inn på artikkelen eg har linka til kan eg nemne at eg har prøvd ein nesten identisk smoothie som den dei kallar: «Grønn smoothie med mynte og spinat». Denne vart laga ved ei tidlegare anledning, men eg kan absolutt anbefale den òg!

Oppskrift:
2 porsjonar
♥ 2 dl mandlar
♥ 100 gram isbitar
♥ 1 dl rismelk
♥ 3 dl lett kokosmelk
♥ 1 ts honning
♥ 1 ts kakaopulver
♥ 1 stk banan

I den orginale oppskrifta nytta dei vaniljesukker i tillegg, men dette var absolutt ikkje naudsynt. Litt usikker på effekta frå ei ts med honning når det likevel er nytta banan som søtning, så eg trur igrunn ein heilt fint kan droppe denne ingrediensen òg.

Kokosmelksmoothie med mandlar og kakao

Som sagt vart kokosmelksmoothien med hasselnøtter og kakao hakket betre enn den med mandlar. Smaken var igrunn ganske så lik, men det var konsistensen som gjorde at hasselnøtter vant likevel. Her er oppskrifta rimelig lik som den over.

Oppskrift:
2 porsjonar
♥ 2 dl hasselnøtter
♥ 2 dl rismelk
♥ 2 dl lett kokosmelk
♥ 1 ts honning
♥ 1 ts kakaopulver
♥ 1 stk banan

Kokosmelksmoothie med hasselnøtter og kakao

Av dei tre ulike vi har laga dei to siste dagane var det mangosmoothien med ingefær som stakk av med fysteplassen. Denne var heilt fantastisk god. Eit hint her er vel kanskje at du må like ingefær ganske så godt elles vil nok ikkje denne smothien vere noko for deg. Ingefærsmaken var sterk. For meg er det sjølvsagt heilt perfekt. Eg har hatt skikkelig vondt i halsen, men når eg drakk denne så berre røska den opp i alt grumset og fiksa heile opplegget. Altså, det er ikkje noko mirakeldrikk, eg er fortsatt sjuk, men her kan ein nesten bytte ut ibux med ein smoothie. I love it.

Oppskrift:
2 porsjonar
♥ 100 gram isbitar
♥ 1 stk mango
♥ 2 dl eplejuice
♥ 0,5 stk banan
♥ 30 gram ingefær
♥ Saft frå ein halv lime

Her har vi berre stjåle heile oppskrifta. Einaste skilnaden er at vi ikkje gidder å ha ei halv banan på kjøkkenbenken så vi heiv i ei heil banan i staden. Herregud, den ingefærsmaken kombinert med det søte og sure – eg kunne drokke litervis.

I dei orginale oppskriftene er det brukt kumelk i staden for rismelk. Eigentleg tvilar eg på at ein trenge å bruke verken kumelk eller rismelk og at det gjer særs lite forskjell om ein faktisk berre byttar ut melketypane med vatn eller meir kokosmelk.

Mangosmoothie med ingefær

Om du vil ha begge porsjonane for deg sjølv kan ein f.eks. lagre desse i kjøleskap i eit tomt og vaska syltetøyglas til kvelden eller til dagen etterpå. Smoothiar har generell lav holdbarhetstid så eg ville nok ikkje venta for lenge med å drikke dei opp, men det tvilar eg sterkt på at blir eit problem uansett 😀

Fargerik fredagswok

Er ikkje vi lei av den der fredagstacoen snart? Det her er i alle fall eit fantastisk alternativ. Eg har hatt ei vannvittig travel veke med oppgåveskriving og ja, livet. To do-lista stoppar liksom aldri, men sånn er det vel for dei fleste. Uansett, eg var så heldig å komme heim til matlaging her ein dag. Då måtte eg berre hoppe inn i prosessen og sikre nokre bilder av det heile. Har dokke sett noke så fargerikt og fantastisk? Wææ, ikkje for å skryte, men typen lagar den beste woken eg veit om.

I dag hadde vi nummer to i rekka av obligatoriske, munnlege framføringar. Herregud, eg blir så nervøs når eg står der framme! Heldigvis gjekk det mykje betre denne gongen, enn forrige. Yey, me! Liksom.

I woken hadde vi kidneybønner, brokkoli, søtpotet, gulrot, kål, sopp, en halv løk, purre, hermitisert paprika, kokosmelk og ananas. Haha, Piña Colada-wok.

Søtpotet, gulrot og kål vart strimla. Brokkolien vart dampa. Løken og soppen vart stekt på lav varme i olje i ca. 10 minutt. Vi blanda desse delane og steikte det saman i eit par minutt saman med ananas. Etter at alle ingrediansane som trengte lang steiketid var ferdig la vi til dei som gjerne berre treng å bli varma opp: Hermetisert paprika, purre og kidneybønner. Til slutt hadde vi i krydder og kokosmelk. Kryddera er igrunn alle dei vanlige – curry, karri, gurkemeie, kvitløk og salt. For min del var det nok soppen og ananasen som gjorde susen denne gongen. Megagodt i alle fall!

Eg har snakka om det før, men eg kan eigentleg ikkje ete gluten/kveitemjøl i det heile, men skal no forsøke å påvise cøliaki eller allergi. Mest for min egen del. Etter å ikkje ha ete makaroni og pasta på 5 år så er eg no heilt hekta. Eg har lyst til å ete det til alle måltid. Herregud, det er jo avhengighetsskapande heile greia. Må seie at eg verkeleg gledar meg til dette forsøket er over. Eg manglar energi, har konstant vondt i magen/kroppen og har fått søtsug (??!!). Okei, det med søtsug høyrast kanskje ikkje så rart ut om du ikkje kjenner meg, for det får vel alle, eller? Nei. No er eg litt kresen på alt av søte ting så eg er kanskje ikkje verdas beste eksempel, men eg har verkeleg aldri hatt meir søtsug enn eg har no. Brødskiver og makaroni øydelegg definitivt alt som heiter stabilt blodsukker. Humøret mitt er dårlegare, dei månedlege smertene har skutt til himmels og eg skal aldri ete kveitemjøl igjen etter at dette greiene her er ferdig. Om nokon som les dette tenker på å endre på kostholdet sitt, så er kveitemjøl definitivt det fyste alle burde kutte ut – i alle former. Så må ein ikkje erstatte det med det der tulle-glutenfrie-erstatnings-greiene. Hallo, då er vi like langt.

Dermed vart det sjølvsagt kokt makaroni med steikte tomatar som sidedish.

Ein kan liksom sjå at det smaker godt. Eg var så heldig å finne restar av nettopp denne woken i kjøleskapet tidlegare og dagen vart dermed redda. Av og til er det verkeleg ein forbannelse å vere jente.

Denne woken er igrunn berre laga av det vi hadde i kjøleskapet og skapet frå før. Ein del av ingrediensane er hermetiserte. Er det ein ting vi alltid har i leiligheta så er det hermetiserte matvarer. Det kan redde alle dei dagane ein ser i kjøleskapet og tenker: «Pokker, eg skulle verkeleg gått til butikken likevel.»

Curry Panang

Ja, denne helga var strengt tatt ei reprise av forrige helg. Eg har jobba. I massevis. Denne søndagen skal med andre ord vere ein skikkeleg søndag. Av den typen der du sitt i sofaen heile dagen, ser på Netflix og et is.

Denne suppa vart laga på torsdag og var vannvittig mettande sånn som dei fleste supper eg lagar er. Den er basert på dei som heiter Curry Panang ved eit kjapt google-søk. Denne er kanskje hakket enklare enn dei eg baserte den på, men likevel. God smak og ei perfekt haustsuppe spør du meg. Eg likar dei kremete eller sterke. Denne er sterk.

Oppskrift:
〉 1 boks kokosmelk (lett)
〉 1-2 dl hakka tomatar

Dei kryddera vi brukte:
〉 Curry
〉 Karri
〉 Cayennepepper
〉 Chili
〉 Kvitløk
〉 Løkpulver
〉 Ingefær

Til å ha i suppa steikte vi det vi hadde i kjøleskapet: Søtpotet, potet, gulrot, hovudkål og kålrabi. Dessutan kokte vi makaroni og hadde i. Makaronien kunne eg strengt tatt spart meg for – denne suppa var betre utan.

Framgangsmåte:
〉 Ha olje i ei steikepanne. Steik kvitløk, løk, chili, ingefær og det du måtte ønske. Dette skal få ein gyllen farge.
〉 Deretter har du i kokosmelk og hakka tomatar. Tomatane hadde eg nytta stavmiksar på før eg hadde dei i – sånn at eg slapp store tomatbitar i suppa.
〉 Kok opp og ha i krydder samtidig som du smakar på suppa undervegs. Det er du som veit best kor mykje krydder du vil ha i, derfor har eg ikkje oppgitt mål i denne oppskrifta.
〉 Steik/kok det du måtte ønske å ha i suppa.
〉 Ferdig!

Oh my, for ei suppe.

Om ein kanskje ikkje er særleg vand med massevis av krydder vil eg sjølvsagt anbefale å prøve seg fram. Husk at kokken skal smake på maten undervegs!

Daddelgodis/energibollar

Vegansk/glutenfritt/fritt for det meste

Siste oppdatering på den fronten her er at vi har begynt å trene. Ooofff. Vi gjekk og kjøpte oss sånn her semesterkort på treningssenteret (SiB). Tysdag var fyste dagen vi skubba oss sjølv bortover i den retninga og vi har måtte krabbe rundt om kring sida. Er det mogleg å bli så stiv og støl? Eg har trent ein del styrketrening før, så det er ikkje heilt ukjend terreng, men det er riktignok to år sidan no. På tysdag avtalte optimistane at torsdag skulle bli neste treningsdag. Ja, eg veit no ikkje. Vi skal bort dit, men det får vel bli eit særs roleg opplegg.

I går var eg på butikken og fann dadlar på salg. Då fekk eg visst det lille kicket eg trengde for å endeleg lage meg den her daddelkonfekten som eg har tenkt på lenge. Som vanleg er oppskrifta i enklaste laget: Ein del hakka mandlar/mandelmjøl og to delar dadlar. Det er faktisk det heile. Så vel ein topping og evt. smakstilsetting sjølv.

Mi oppskrift:
◊ Ein del dadlar
◊ To delar finhakka mandlar
◊ 2 ss kokosmelk
◊ 1 ts kakao
◊ 2 ts sukrinmelis

Dokke ser sikkert at mi oppskrift har alt for lite dadlar og alt for mykje mandlar – dermed brukte eg litt kokosmelk i staden. Kvifor? Sånn vart det visst berre. Til gjengjeld så vart mi oppskrift veldig god! Eg endte med om lag 4-5 dl deig.

Om ein har foodprosessor kan ein hive alle ingrediensane i denne og trykke på knappen. Det har ikkje eg. Derimot har eg ein veldig god blender frå Kitchenaid. Eg brukte den til å hakke mandlane fyst og deretter dadlane. Ingrediensane blanda eg i ein bolle ved sida av.

Dadlar er sjølvsagt veldig klissete, så for at det skal bli litt betre å servere dei er det greit med litt topping på. Eg har brukt ulike typar: Finhakka kokesjokolade, kakao, kakao/sukrin, utan og peanøttmjøl. Alle vart veldig gode – og nei, eg har ikkje plass til middag i dag, likevel. Haha!

Alt for godt!

Ein har som regel lyst til å servere fine konfektbitar når ein fyst held på. Det seier seg sjølv at om ein rullar desse bitane og lagrar dei så vil dei kanskje ikkje holde seg fine til same kveld ein gong. Eg anbefalar å anten lage deiga og ha den i kjøleskapet eller å faktisk berre lage deig og fryse ned. Rulle dei kan ein gjere rett før ein får besøket på døra og dermed har ein «perfekt» konfekt å vise fram. «Kvar har du kjøpt desse?» Knis. Desse er like perfekte til julegodis og som energibarar rett før trening. Dessutan så får ein slukka det kjende søtsuget som dukkar opp på kveldane.

Nesten vellykka snickers

Som eg lova tidlegare så skulle eg prøve meg på konfekt. Forrige gong eg prøvde meg på noko liknande så vart resultatet heilt grusomt på alle tenkelege måtar. Det vart klissete, smakte alt for søtt og så vidare. Derfor er det kanskje 5-6 år sidan sist eg prøvde meg. No, i dag, fant eg plutseleg ut at dette skal eg få til. Tja. Okei, så har eg ei oppskrift som smakar heilt fantastisk. Så 1 av 2 gikk riktig. Problemet med dagens resultat er vel heller at eg ikkje har knekt koden på det der !@&$ vannbadet og smelting av sjokolade. Kjempelett, seier dei. Nope, seier eg. Eg fekk til slutt stappa halvsmelta sjokolade ned i forma og putta den i frysen. Så om ca. ein halv time har eg konfekt med fantastisk smak!

Det blir heilt sikkert enklast om ein blandar det tørre før ein puttar i peanøttsmøret.

Oppskrift:
5 ts peanøttsmør
2 ts peanøttmjøl
1-2 ts kakao (raw frå sunkost)
½ – ¾ dl kokosmelk (lett)
½ ts vaniljepulver (ekte vanilje)
1 ts sukrinmelis
1 ts salt (maldon)

I parantes står varianten av ingrediensane eg brukte. Ein kan sjølvsagt bytte peanøttmjøl ut med kva som helst anna mjøl, evt. kikerter, evt. noko anna som skaper litt substans i deiga. Ein kan bruke alle andre typar veske enn kokosmelk og ein kan bruke for eksempel vanleg sukker i staden for sukrinmelis. Dokke skjønar teikninga.

Kokosmelk ser så nydeleg ut.

Når du blandar dette: Pass på at du får vekk alle «klumpar» i røra. Det vil vi ikkje ha noko av.

Om du vil ha det enno meir snickers-aktig så er det berre å droppe kakaoen i oppskrifta og bruke litt mindre veske. Syns kakaoen gjorde susen, men det er sjølvsagt smak og behag. Prøv deg fram! Og om du er av typen som likar søte ting som kaker og liknande så ville eg kanskje brukt litt meir sukrin/sukker og litt mindre kakao. Eg liker den litt bitre kakaosmaken og når smaken ikkje er alt for søt, men det er det sjølvsagt ikkje alle som gjer.

Eg oppbevarar nøtter på tomme glas med lokk i kjøleskapet.

Haha, som den perfeksjonisten eg er så grisar eg sjølvsagt sjokolade over alt. Godt mogleg eg har sjokolade i ansiktet i skrivande stund. Valget av form gjorde forsåvidt ikkje saka noko betre. Så, om du ikkje lagar dei ulike delane av konfekten meir flytande enn det eg gjorde, vil eg verkeleg anbefale å f.eks. smøre det ut over noko flatt i staden. Steikebrett eller skjærefjøl, kanskje. Husk at konfekt berre skal i frysen om dei skal serverast same dag. Det beste er kjøleskap!

Eg lovar at det smakar enno betre enn det ser ut.

For at det er fyste (andre) gongen eg lager dette så synes eg faktisk ikkje det gjekk så aller værst. Må berre lære meg hemmelegheita bak å smelte sjokolade i vannbad. Eg får mammaen min på besøk i morgon, så kanskje eg skal nytte moglegheita då.

Berre for å understreke. Eg kan verkeleg anbefale oppskrifta på peanøttdelen, men eg kan ikkje anbefale verken min måte å smelte sjokolade på eller valg av form. Neste gong, seier eg berre!

Jamen, dette er jo heilt sjukt dyrt, seier du sikkert. Nja, når ein skal kjøpe inn alle desse «fancy» ingrediensane på ein gong så kan det nok bli litt dyrt. Ser du derimot på kor mykje det er i ein pakke og kor mykje eg har brukt i oppskrifta så er det godt mogleg dette er halvparten så dyrt som ein pose med smågodt.

Saus. Då treng ein vel melkeprodukt?

Altså, nei. I går laga vi saus av hakka tomatar og kikerter. I dag vart det saus av kokosmelk og diverse krydder. Så enkelt og SÅ billig. Vi brukte ein halv boks kokosmelk til saus – og det var nok til to porsjonar med spaghetti. For å gjere det enda billigare kan ein for eksempel bytte ut ferskt krydder med tørka krydder (chilipulver etc.). Eg lova at det fortsatt blir supergodt.

Oppskrifta på sausen:
Alle ingrediensane i ein beholder + stavmikser.
Varm sausen saman med f.eks. ferdigkokt spaghetti.
Done!

Ein halv boks kokosmelk – chili – ingefær – kvitløk – ein halv løk

Etter ei god runde med stavmikser så vart sausen rosa!

«Matlaging er sjukt vanskelig og tar lang tid.» Hehh, morosamt.

Middag for fem

Då var det tilbake til kvardagen etter ein månad med fri. Det har vore så godt at dokke har ikkje peiling. Dermed har vi òg kvardagens fyste veganske rett. Denne har vi i bunn og grunn laga eit par gongar allerede. Slår aldri feil. Billig er det òg. Eg lagar alltid alt for mykje, men fryser til gjengjeld ned restane. Grønsakene blir litt meir vasne dersom du har kokt, frose og deretter tina dei, men ingenting reparerer dette som litt stekt ris.

Har enno ikkje fått til denne retten heilt som eg vil. Med tanke på at det er ein del kokosmelk i den skal det mykje krydder til før maten blir sterk. Det har seg sånn at vi hadde ein kinesisk kar (couchsurfer) på besøk i juni som lagde noko liknande til oss, men då holdt tunga på å dette ut. Skulle gjerne fått til ein mellomting, men så kan eg ingenting om kinesiske ingrediensar og dei norske er visst litt for lite sterke. Blablabla, endeleg ein god vegansk rett på bordet igjen!

Kokosolje, løk, kvitløk, chili og ingefær – steik i ca. 5 min.

Ha i så mykje kokosmelk som du vil. Vi brukte faktisk ein heil boks med feit kokosmelk.

Hiv i krydder. Desse brukte eg.

Steik og smak. Ikkje nøgd? Hiv i meir krydder.

Ha i grønsaker. Dei med lang steiketid må sjølvsagt fyst. Sjå på serie i 10 min, mens dette putrar.

Ha i resten av godsakene du vil ha i. Bønner, brekkbønner, mais, minimais og bambusskudd.

Oh, holy mo. Litt ris og litt stekte søtpoteter ved sidan av så blir det litt meir variasjon. Sjukt godt og mettande.