Nei, jeg hakke tid

Smoothie her og smoothie der! Ein ser desse oppskriftene over alt og heile tida. Massavis av ulike variantar og alle er like fristande. Dersom dokke er sånn som meg så orkar dokke rett og slett ikkje å styre med å lage desse smoothiane kvar einaste dag. Du veit desse tomme glasbeholdarande som du må resirkulere både titt og ofte? Dei kan du for eksempel bruke til oppbevaring av smoothiar (eller middagsrestar) i kjøleskapet. Ristar du litt på smoothien er den akkurat som om du skulle laga den same dagen. Kjempelurt på travle dagar – ein sånn som eg for eksempel har i dag (og har hatt heile helga!).

Frosne bær er forresten smoothie heilt i studentpris – og no som det er haust kan ein plukke blåbær heilt sjølv og heilt gratis! Perfekt.

Blåbær, bringebær og sukrin.

Bruksområda til desse glasbeholdarane er eigentleg endelause. Du kan oppbevare meir eller mindre alt av småting i dei (perfekt for ein som organiserar _alt_). Du kan bruke dei som drikkeglas og du kan spraylakke dei så vert det ganske så fine vasar. Det beste av alt er kanskje at du får dei med på kjøpet kvar einaste dag.

Helga har eg via fullt og heilt til jobbing på Kvarteret og rekruttering av nye frivillige. I går viste eg for eksempel ein haug med ferskingar korleis bruk av handjern fungerar. Haha! Superkjekt å stressteste nye ansikt.

1, 2, 3, Sjukepleiar

Om tre år er eg sjukepleiar! Dei seier at ein må skynde seg å starte på skulegangen etter vidaregåande, men eg kjenner at åra utan skule har gjort meg godt. Misforstå meg rett, men no veit eg at eg vil ha utdanning. Eg veit at eg vil fullføre dette. Dermed har eg nok hundre gongar meir motivasjon enn eg ville hatt for tre år sidan. Ja, eit friår vart til tre. Nei, alle som sa meg i mot, det betyr ikkje at eg aldri kjem til å ta utdanning.

På sjukepleiestudiet er det sinnsjukt mykje litteratur. Det er det nok på dei fleste andre studie òg, men eg får litt bakoversveis av heile greia. Stabelen med bøker ved sida av meg tilsei at eg har kjøpt for monge, men statusen er faktisk at eg heller manglar nokre. Det får så vere. Studenttips: Kjøp brukte bøker! Nokre er ein nøydde til å kjøpe nye, men eg har spart noko sånnt som 2500kr på å kjøpe alle saman brukt. Ein kan eigentleg nesten ikkje sjå at dei er brukte heller. I går tok eg til på å pugge anatomi. Skrekkhistorier frå andre som har slete med det opp i mot eksamen la seg rett under huda på meg og eg måtte sette meg ned med ein gong eg kom heim. Det trur eg er noko av det luraste eg har gjort. Pokker, så tjukk den boka er og for kvart avsnitt er det ca. 10 nye ord å pugge. Det er fysikk, biologi, kjemi og anatomi. Det blir hardt, men med nokre minutt kvar dag så skal det gå læll, sjø.

Eg må innrømme at det fyste eg gjorde etter skulen var eigentleg å legge meg ute i sola med my bff. Sida det vert lite sosialisering fram over var litt etterlengta prat om alt og ingenting heilt nødvendig.

Nygårdsparken er vel og bra den, men det er desse små perlene av nokre parkar litt utanfor sentrum som treff meg midt i hjertet. Altså, å ligge midt i byen og vere heilt aleine? Priceless.

Krydderdilla

Eg har krydder på alt. Maldonsalt er ein av favorittane når det kjem til frokost, men til middag nyttar eg alt muleg. Dermed har eg vore på ein butikk i Bergen som heiter Aya Mat, dette er ein innvandrerbutikk (hallo, er dette lov å seie? Viss ikkje treng eg alternativ) like ved Bergen Storsenter som sel mykje rart. Eg veit om ein på Danmarksplass òg, men elles har eg ikkje fleire tips. I alle fall: Der får du superbilleg krydder. For dei posane her betalte eg 130 kroner. Gogogo!